高鐵線香港段開通一星期，小編自己坐過真係超快趣，由西九站去深圳福田站13分鐘就到。老老實實，成人一張二等座先$78 ，坐得舒服又唔使同水貨客逼東鐵，北上交通選擇中性價比真係超級高。只要大家唔係拎住大行李，小編都強烈推介大家試下坐。加上由1/10起，WeChat HK pay正式可以係內地使用（留意番必須透過指定4個app先可以付款，安全起見建議唱番些少人仔），北上消費更加方便，以後weekend gateway不妨可以考慮埋深圳。今日小編就同大家介紹下深圳有咩活動可以玩。即日來回又得，住番一晚酒店玩足兩日都得，得左！
第一站：西九龍高鐵站
識玩既西九高鐵站已經有排玩。 有非官方報導指香港人身體有50%係珍珠奶茶，珍珠奶茶大家日日飲，咁珍珠奶茶始祖大家又飲過未？自稱為珍珠奶茶始創店春水堂就係高鐵站開左全港第一分店，小編去個日要排一個鐘！抵唔抵排好唔好飲就真係見人見志（帶頭盔），如果想打個卡既都可以去朝聖既，仲可以一路搭高鐵一路飲。
除左野飲之外，高鐵站既food court都有得食正餐。小編覺得最抵玩既就一定係霸嗎拉麵。拉麵價錢同市區食分別唔大，唔會好似機場咁overpriced，仲要唔使排隊，但味道冇因此退步，整體而言係唔錯既選擇，如果要坐長途車／真係好餓既可以打左底先。
第二站：深圳會展中心一帶－卓越世紀、卓越In town、中心城
由福田站去會展中心站唔使轉線，兩個站直達。會展中心站C出口一帶有幾個大型商場，基本上可以滿足到曬最基本既必做行程。卓越商場有齊海底撈、探魚、喜茶（呢間有得賣麵包）、奈雪之茶，亦都有戲院，所以逗留一個下午都唔會悶。如果想睇戲同唱K既小編推介去A出口，大中華國際交易廣場既保利國際影城，呢間睇戲幾抵玩，坐椅仲可以按摩。大中華國際交易廣場仲有「友唱M Bar」，最岩人少少又唔想唱幾個鐘咁耐既朋友。想去超市購物既可以去B出口既中心城，個到有一間超大既家樂福，有排你行。
（小提示：「友唱M Bar」只支援電子錢包，強烈建議大家先download WeChat Pay HK及預約； 內地戲院登記左做會員買戲票先會平，係保利國際影城登記時可以同職員講用香港電話登記，只需要係香港號碼前加3個1即可。）
────────────────────────────────────
即日來回旅程到此為止，有興趣可以到口岸附近按摩再回港，祝閱下旅途愉快。
────────────────────────────────────
住宿：深業上城 Muji Hotel
深業上城地理位置非常唔方便，由地鐵站行去要行15分鐘，小編都睇到無印酒店劣評如潮，咁點解小編仲要介紹呢？因為小編係一個無印控，所以完全係100%主觀出自私心，哈哈哈哈哈哈，所以如果大家真係要去既有心理準備要失望！深業上城都有喜茶，可以係loft小鎮歎住飲。
────────────────────────────────────
第二日第一站：華僑城創意文化園
入住無印酒店係會包一份早餐，訓飽食飽之後就可以開始第二日既行程。小編知道華僑城樂園早年曾經出現意外，但係佢既創意文化園仍然係非常值得去，感覺有d似台灣既「華山文創園區」，唔想成日整係飲飲食食既不妨抽時間一去！
第二日第二站：
朝早整係食左一份早餐，行完華僑城都應該開始肚餓。離華僑城創意園唔遠有椰子雞火鍋店「潤園四季」，第一日食左咁多重口味既野第二日食番個椰子雞煲清清地咁就最好。除左椰子雞之外，煲仔飯都係佢地既撚手小菜，一大班人去食既話可以點埋！
────────────────────────────────────
兩日一夜到此為止，有興趣可以到口岸附近按摩再回港，祝閱下旅途愉快。
────────────────────────────────────
想更方便接收到最新的潮流好物資訊，免費下載Fetch app，完美你的旅程吧！
官方網站: fetchawish.com
如果沒能去旅行也不要緊，有好物想要的話，現有過百個旅友能替你完成你的心願單。不論是否安坐家中，隨時隨地可以買到你想要的，也可以接收到最新的資訊，別錯過了喔！
想收到潮物最新資訊？Follow我們的 IG 和FB，緊貼外國最新的潮流啦!
Instagram: @fetchawish
Facebook: Fetch購物旅友
